分析壽險業務之邊際利潤率篇(二)

上次講過, 壽險業務邊際利潤率的其中一種計算方法係 = NB / APE. 今次講什麼是APE.

APE(Annual Premium Equivalent) 我稱之為"首年(New business)年化保費收入". 要明白APE, 首先要明白什麼是single premium 躉繳保費, 什麼是regular premium 期繳保費. 一般來講, 繳交保險費有兩種方式, 一次過交晒全部保費叫做躉繳, 每年只交當年的保費叫做期繳. 我用以下的例子去解釋躉繳和期繳.

以市場上一種終生壽險產品為例, 年齡30歲的男子投保10萬基本保額, 發生重大疾病可以得到2倍基本保額, 如果身體高度殘疾可以得到3倍基本保額, 如果身故保單受益人可以得到3倍基本保額. 如果分10年繳費，則每年繳保費14,600元, 10年累積繳交保費140,600元。如果選擇一次性繳清（躉繳），則只需繳保費129,200元.

計APE可以用以下的方程式:

APE = regular premium from new business + 10% of the total amount of single premium

另外想講, 2628中國人壽於08年第一季提取保險責任準備金438.65億元人民幣, 比去年同期增加240.65億元人民幣, 同比增加左121.54%. 保險責任準備金大增不一定係壞事, 相反, 保險責任準備金減少也不一定係好事, 因為隨著有效保單的終止, 例如退保, 或發生死亡賠償或期滿給付等事件, 保險責任準備金(負債)也會被釋放出來(減少). 保單在賣出初期, 尤其是第一年, 會提取較大比例的保險責任準備金, 即係越賣得多新保單, 提取保險責任準備金就越多, 尤其是如果當年收取的保費, 新保單佔的比例越大, 提取保險責任準備金的增幅就越勁.

由於提取保險責任準備金屬於損益表的支出項目, 淨利潤自然受到負面影響. 另外, 其實要留意, 越賣得多新保單, 資產負債表的負債(保險責任準備金)也會增加得越多. 賣多d保單, 生意發展得越好, 無理由係壞事, 情況同銀行相似, 越多客戶存款, 負債就會越多, 但唔一定係壞事. 保險責任準備金的提取只係會計的處理手法, 保險公司可以運用保險責任準備金去賺取投資收益. 所以最重要係睇新保單可以為保險公司帶來幾多利潤, 呢個要等到出全年業績報告時, 睇一年新業務價值係幾多. 如果壽險業務邊際利潤率可以維持甚至持續增長, 咁絕對係好事.