保險合同準備金

越深入研究, 越發覺投資應該貴精不貴多. 單單研究保險行業已經可以消耗大部分分配在投資研究的時間. 我係港台e線金融網節目的忠實聽眾, 聽完上星期五林森池(林大師)的訪問, 加上自己的研究, 以下係我的領受, 同大家分享下.

2628中國人壽資產負債表中最主要的負債項目, 係保險合同準備金, 包括以下各項(用2007年的數據):

1. 未到期責任準備金: 61.19億元
2. 未決賠款準備金: 23.91億元
3. 壽險責任準備金: 6,073.63億元
4. 長期健康險責任準備金: 40.28億元

2007年國壽於資產負債表中的保險合同準備金總共係6,199.01億元, 佔總負債7,235.15億元的85.68%.

保險合同準備金的變動受以下幾方面的影響.

1. 保費收入包括新保單保費和續保費 ==> 會增加保險合同準備金 (靠提取保險責任準備金)
2. 退保金 ==> 會減少保險合同準備金
3. 賠付支出 ==> 會減少保險合同準備金

所以睇保險責任準備金的變動, 要綜合睇以上各方面的數字. 我整理左2008第一季, 2007年和2006年的數據, 可以睇到國壽於"保險合同負債相關支出"與"保險業務收入"的比例係好穩定:



最後想講, 有財經演員認為現時係熊市, 有些認為現時係熊市2期的反彈. 係唔係熊市對我的投資決定無影響, 現時我投資組合的市值比恆生指數在31,958點的時候仲要多, 而且未計我籌備結婚使左一筆, 贖回珠海物業又使左一大筆, 否則現時組合的市值應該仲多, 所以係唔係熊市並不太重要, 最重要係持有什麼股票.