里昂發表研究報告，維持匯控<0005.HK>「沽售」評級，目標價由110元下調至80元。有人問我驚唔驚, 有人勸我快d沽晒d匯豐. 我知呢d朋友係出於善意. 不過, 我唔會受大行的分析報告影響. 我買匯豐的時候, 已經預左未來的日子, 匯豐(以及其他金融集團)會經歷各樣的風暴, 也已經預左管理層在經營過程中會有失誤或過失. 我相信次按風暴最終會雨過天晴, 但未來又會有第2種風暴, 但像匯豐這樣優秀的公司, 風暴過後, 盈利水平會回復和重拾增長. 所以我無打算沽出手上任何一股匯豐.
另外, 想講下如何應付像1月22日那樣的大跌市. 面對股市大跌不要自亂陣腳, 要淡定. 如果手上仍然有現金, 就要有勇氣買優質股; 如果手上無晒現金, 可以優化組合換馬, 趁優質股和次優股都大跌的同時, 沽出質素較差的換入質素最好的股票; 如果手上無現金而且持股全部係最優秀的公司, 咁就乜都唔需要做, 繼續如常生活過日子.
以我自己的情況為例, 因為我手上仍然有資金, 屬於第1種情況, 所以於1月21日和22日我趁股市大跌, 運用資金增持左2628中國人壽和3968招商銀行. 至於手上原有持股, 就繼續持有, 無任何改變.
沒有留言:
張貼留言